WALIMU MKURANGA WAHIMIZWA UMAKINI KWENYE USIMAMIZI WA MITIHANI YA TAIFA

Posted on: September 9th, 2019

Walimu wa Halmashauri ya Wilaya Mkuranga  Mkoa wa Pwani waonywa kuepuka tamaa ya kupoke hela kwa ajili ya kuvunja miiko ya kusimamia mitihani ya darasa la saba

Akizungumza na walimu na wasimamizi watakaoshiriki katika kusimamia mitihani hiyo, kaimu  Mkurugenzi wa Halmashauri ya Wilaya Kanyala Mahinda ambaye amemuwakilisha Mkurugenzi Mtendaji  aliwataka wasimamizi wawe makini na watimize wajibu wao kulingana na sheria na taratibu za utumishi wa umma kama zinavyowataka katika zoezi zima la usimamizi wa mitihani .

 Aidha  Kaimu Mkurugenzi mtendaji  alisema,  mitihani ya darasa la saba ni zoezi maalumu na ni kazi ya siri,  lakini pia aliwaasa kama watasimamia vizuri matokeo yatakua mazuri na kama itasimamiwa vibaya matokeo yake yanaweza kuwa mabaya na athari zinaweza kuanzia kwa msimamizi wa mtihani kwani  zipo sheria zinazosimamia watu wote wanaokiuka taratibu za kusimamia mitihani.k

Kwa upande wake Afisa Elimu msingi wilaya ya Mkuranga  Cosmas Magigi alimuhakikishia mkurugenzi kutekeleza  maagizo yote  huku akitaja idadi ya wanafunzi  wataofanya mitihani ni 6673 ambapo wasichana ni 3493 na wavulana 3180.