WATUMISHI NA WANANCHI WA WILAYA YA MKURANGA WAFANYA USAFI WA MWISHO WA MWEZI

Posted on: September 24th, 2022

Watumishi pamoja na wananchi wa wilaya ya Mkuranga wameshiriki kwa pamoja katika zoezi la usafi wa mazingira wa mwisho wa mwezi 24,septemba 2022 katika machinjio ya wilaya kwenye kijiji cha Kiguza kata ya Mkuranga.

Katika usafi huo wa mazingira walishiriki kwa pamoja katika kulima,kufyeka majani,kufagia,kuokota taka zinzozagaa,pamoja na kusafisha ndani ya machinjio.

Bi.Arafa Mohamed Afisa mazingira na udhibiti wa taka Wilaya ya Mkuranga amewashukuru watumishi pamoja na wananchi kwa kuweza kujitokeza katika kushiriki kwa pamoja kwenye usafi wa mwisho wa mwezi.

Nae  Dunia Said Mabuyu mwenyekiti wa kijiji cha Mkuranga amewashukuru kwa ushirikiano waliouonyesha watumishi na wananchi kwenye usafi katika na kuwaomba zoezi hili liwe endelevu ndani ya Wilaya ya Mkuranga.

Aidha Dunia Said Mabuyu ameseme machinjio ina changamoto mbalimbali ikiwemo ukosefu wa maji hivyo ameomba mamlaka husika kulifanyia ufumbuzi kwa haraka ili tuweze kupata nyama safi na iliyo bora.