Wazazi,walezi wasiowapeleka watoto Shule kuchukuliwa hatua

Posted on: March 10th, 2018

Halmashauri ya wilaya ya Mkuranga imesema  mapema ifikapo Machi 31 mwaka huu itawachukulia hatua Kali za kisheria wazazi na walezi wote ambao watoto wao wamefaulu na hawajaripoti shuleni mpaka sasa kwa Sababu zisizo na msingi.

 Kauli hiyo imetolewa na mkuu wa Wilaya ya Mkuranga wakati akifungua kikao cha bajeti ya mwaka 2018/2019 cha baraza la midiwani kilicho fanyika wilayani humo,na kusema kuwa wanafunzi walioripoti ni 3,439 sawa na asilimia 46 na wanafunzi 217 hawajaripoti mpaka sasa ambao ni sawa na asilimia 5.46.

 Aidha amesema mpaka ifikapo machi 31 mwaka huu,wazazi na walezi ambao watakuwa hawajatoa taarifa zozote kuhusu sababu za watoto wao kutoripoti shuleni watachukuliwa hatua Kali za kisheria.

 Aidha Sanga amewataka madiwani wote  Wa wilaya hiyo kushirikiana nae  kufuatilia kwa undani suala hilo ili kuhakikisha kuwa wanabaini changamoto zilizopelekea wanafunzi hao kutofika shuleni mpaka sasa."tunachotaka watoto wetu wasome,hatutaki kuona mtu ameacha shule kwasababu ya kuolewa,wazazi watoe taarifa vinginevyo hatua zitachukuliwa dhidi yao".alisema Sanga

 Kwa upande wake Mwenyekiti Wa Halmashauri ya Mkuranga Juma Abeid amesema wamepitisha bajeti ya wilaya ya zaidi ya bilion 47 ya 2018/2019  ambayo imekidhi katika katika sekta zote na kipaumbele chao ni kwa mwaka huu ni elimu,afya na maji.

 Abeid amesema elimu imepewa kipaumbele kwa sababu wananchi wengi wameitikia wito Wa Rais Wa jamhuri ya muungano Wa Tanzania John Pombe Magufuli ya kwa kupeleka watoto wao shule  hivyo kusababisha idadi kubwa ya wanafunzi hali inayopelekea uhaba Wa vyumba vya madarasa.

  Kaimu Mkurugenzi Mtendaji Wa wilaya ya Mkuranga Peter Nambunga amesema wao wamelenga sana kwenye elimu na afya kwa sababu na jiografia ya wilaya hiyo pamoja na miundombinu kutokuwa rafiki hali inayosababisha wananchi kutembea umbali mrefu kufuata  elimu na huduma ya afya.

 Aidha Nambunga ameongeza kuwa katika harakati za kupunguza changamoto za huduma ya  wana mpango Wa kutafuta mobile clinic ili kuweza kuvifikia vijiji vya pembezoni kama koma na kwale.