Waziri Jafo awataka viongozi Mkuranga wakajifunze Kisarawe

Posted on: February 7th, 2018

Waziri wa Nchi Ofisi ya Raisi Tawala za Mikoa na Serikali TAMISEMI Mhe Selemani Jafo amewaagiza viongozi wa Mkuranga kwenda kujifunza katika kituo cha afya Maneromango kilichopo wilayani Kisarawe ili waone jinsi matumizi ya force account yalivyoleta manufaa katika ujenzi wa vituo vya afya hapa  nchini.

Jafo aliyasema hayo hapo jana wakati alipofanya ziara ya kutembelea kituo cha Afya Mkamba ili kujionea jitihada zinazoendelea  baada  ya Serikali  kupeleka milioni 400 za ujenzi  wa miundombinu itakayojengwa na fedha hizo zilizo tolewa na serikali na milioni 300 zingine zimepelekwa MSD kwa ajili ya ununuzi wa vifaa.

Aidha Jafo aliagiza ifikapo tarehe Aprili 30, mwaka huu majengo yote yawe yamekamilika.

Wakati huo huo Jafo alifanya ukaguzi wa barabara inayounganisha wilaya ya Mkuranga na wilaya ya Kisarawe kupitia bonde la Mkuruwili na amewaagiza meneja wa TARURA wa wilaya ya  Mkuranga na wilaya ya Kisarawe kukaa pamoja kuiwekea mikakati barabara hiyo ili wananchi wa maeneo hayo waweze kuunganishwa vyema