WAZIRI KOMBO AFANYA TATHMINI YA MAFUNZO YA MFUMO WA NEST MKURANGA

Posted on: August 20th, 2024

Ikiwa imetimia siku ya pili tangu kuanza kwa Mafunzo ya matumizi ya mfumo mpya wa Manunuzi ya umma NeST, Mkurugenzi Mtendaji wa Halmashauri ya Wilaya ya Mkuranga Waziri Kombo amefika na kuona muendelezo wa mafunzo hayo kwa Maafisa Bajeti, Walimu wakuu shule za Sekondari na Msingi pamoja na Waganga Wafawidhi. 

Kombo akiwa katika ukumbi wa Mwinyi Sekondari leo Tarehe 20 Agosti alipata fursa ya kuwahoji baadhi ya washitiri hao ili kuona ni kwa kiwango gani wamenufaika na mafunzo hayo sambamba na kuona kama kuna changamo yoyote ili aweze kutafuta namna ya kuboresha ili kupatikane utendaji mzuri watakaporudi katika vituo vyao vya kazi.

Mafunzo hayo yanayotolewa na Kitengo cha Manunuzi na ugavi kwa kushirikiana na Idara ya Mipango na Maafisa Tehama yanatarajia kutamatika hapo kesho Tarehe 21 Agosti 2024.

Kukamilika kwa mafunzo hayo kutapelekea watumishi hao kuhakikisha wanatumia mfumo huo wa NeST  katika miradi itakayokwenda kutekelezwa hivi karibuni.