karibu kwenye Tovuti ya Halmashauri ya Wilaya ya Mkuranga!
Kwa niaba ya Watumishi na Wananchi wote wa Halmashauri ya Wilaya ya Mkuranga, ninayo furaha kubwa kukukaribisha katika tovuti hii ambapo tunaimani kubwa utapata taarifa za kuaminika za shughuli zinazofanyika katika Halmashauri ya Wilaya ya Mkuranga, Kama taasisi ya Serikali tunaamini katika uwazi,ukweli na uwajibikaji kwenye utendaji wetu wa kila siku.
Mkuranga ni moja ya Wilaya iliyoitikia wito wa Mh.Raisi wa Jamhuri ya Muungano wa Tanzania Dkt. John Joseph Pombe Magufuli ya kuwa nchi ya Viwanda.Tumetenga na kubainisha maneneo mbalimbali ya uwekezaji ikiwemo eneo la Dundani, Mkiu na Mbezi.
Aidha kwa kutambua umuhimu wa wateja tunaowahudumia zipo taarifa mbalimbali mfano maeneo ya uwekezaji, Utalii, miradi ya maendeleo inayotekelezwa na Serikali na fomu mbalimbali ambazo zinakuwezesha kupata huduma moja kwa moja kwenye tovuti.
Hii inahusisha upatikanaji wa leseni za biashara na leseni za vileo na taarifa mbalimbali. Ni matumaini yangu utatumia tovuti hii kupata taarifa muhimu na kwa malalamiko,mapendekezo basi usisite kuwasiliana nasi na kutumia tovuti yetu kutoa malalamiko yako nasi tutakufikia.
Karibu Halmashauri ya Wilaya ya Mkuranga, Wilaya yenye fursa za maendeleo kwako na kwa Taifa.
