Natural Resource and Environmental Conservation Unit

MAJUKUMU YA SEKTA YA ARDHI

Sekta ya Ardhi ina jukumu la kusimamia utekelezaji wa Sera, Sheria na Kanuni zinazohusiana na masuala mbalimbali ya upatikanaji wa Ardhi, upangaji, upimaji na umilikishwaji .Katika kutekeleza jukumu hili kubwa na muhimu, sekta hii inatimiza majukumu yake kwa kuzingatia Sheria ya Ardhi Na.4 na 5 za 1999, Sheria ya Upimaji Ardhi ya 1957,Sheria ya Mipango Miji Na.8 ya 2007, Sheria ya Utwaaji Ardhi Na.47 ya 1967, Sheria ya Usajili wa Ardhi iliyorekebishwa mwaka 2002, Sheria ya mipango ya matumizi bora ya Ardhi ya 2007, Sheria ya utatuzi wa Migogoro ya Ardhi Na.2 ya 2002 na kanununi zake za 2003, Sheria  ya Serikali za Mitaa (Mamlaka ya Wilaya) ya 1982 na Sheria ya Serikali za Mitaa (Mamlaka ya Mji) ya 1982 n.k.

Sheria hizi pamoja na Kanuni zake ni miongozo inayowezesha na kurahisisha utendaji na utekelezaji wa majukumu kwa wataalam wote katika hali ya ufanisi na kwa viwango bora visivyo na tofauti,hata hivyo, kujituma, uaminifu , uadilifu na mawasiliano ya karibu kati ya watendaji ni mbinu pekee ya ufanisi unaopatikana sambamba na huduma bora kwa wananchi.

Majukumu ya kila sekta, malengo, utekelezaji na changamoto yameainishwa kama ifuatavyo

    ARDHI UTAWALA

• Sekta hii ni sehemu ya idara ya Ardhi na Maliasili, ambayo inajukumu la usimamizi wa Ardhi na utawala, ikihusu Maafisa Ardhi,
• Kutoa huduma kwa Wananchi wenye mahitaji ya masuala ya Ardhi, uandaaji nyaraka za umiliki, uhamisho urejeshaji, ukaguzi wa viwanja na mashamba, kutoa ushauri wa kisheria kuhusu miliki za Ardhi na utatuzi wa Migogoro ya Ardhi.
• Kukusanya maduhuri ya serikali yatokanayo na Kodi ya pango la Ardhi
• Kutatua migogoro ya Ardhi
•      Kuhamasisha utengaji wa maeneo ya uwekezaji wa Viwanda kupitia Mikutano ya   Halmashauri za Vijiji.
•  Kuandaa rasimu za hati miliki
•      Kuwafungulia mashtaka ya madai ya kodi ya pango la Ardhi  wadaiwa sugu waliokwisha          tumiwa ilani za madai ya kodi.    
•  Kuingiza kumbukumbu za umiliki wa viwanja na mashamba katika mfumo.
•   Kupokea maombi ya kumilikishwa viwanja
•   Kuidhinisha ramani za ujenzi wa viwanja
•   Kusimamia urejeshaji wa miliki na uhamisho wa miliki 
•   Kufanya ukaguzi wa Maeneo yaliyoiva kimpango mji kwa ajili ya kuendelezwa kimji

MIPANGO MIJI

• Kubainisha mipaka ya Wilaya kati ya Mkuranga na Wilaya nyingine zinazotuzunguka. Mfano; Mpaka kati ya Mkuranga na Manispaa ya Ilala na mpaka kati ya Mkuranga na Wilaya ya Kisarawe.

Kupima viwanja katika maeneo mbalimbali Wilayani Mkuranga kama Kisemvule,Mkokozi, Kazole.

• Kuandaa  ramani za msingi katika maeneo mbalimbali  ya Wilaya ya Mkuranga.
• kuandaa na kupitisha  plan za Hati (Deed Plans)
• Kutoa vibali vya upimaji pamoja na kuwasilisha ramani za upimaji Wizarani
• Kuomba ufutaji wa upimaji mbalimbali ili upimaji mpya ufuate mpango uliyopo.
• 
  

• Sehemu ya Uthamini

  Majukumu ya mthamini ni:

  • Kukusanya taarifa za utafiti na mwenendo wa soko la ardhi
  • Kuhakiki kumbukumbu za utafiti na kuziingiza kwenye komputa
  • Kupokea maombi na kufanya uthamini wa ardhi, mazao,majengo na samani
  • Kukagua, kupima na kuoanisha thamani ya majengo na ardhi kwa ajili ya kumbukumbu
  • Kukadiria kodi ya ardhi

• Majukumu ya afisa misitu ni kama ifuatavyo:

  • Kutoa elimu ya Hifadhi ya Mazingira, kuhimiza uoteshaji miche ya miti na upandaji miti
  • Kutoa elimu juu ya utengaji wa misitu ya asili na utunzaji wa misitu ya asili 
  • Kusimamia hifadhi ya wanyamapori na hifadhi za misitu
  • Kutoa elimu ya hifadhi ya mazingira ,ardhi na vyanzo vya maji.

• Sehemu ya wanyamapori

  Majukumu ya afisa wanyamapori ni:

  • Kuthibiti utoaji wa leseni za biashara ya nyara na vibali vya kukamata wanyamapori
  • Kuthibiti matumizi haramu ya leseni za uwindaji na kuhakikisha kufuatwa kwa maadili katika kutumia wanyamapori
  • Kushiriki katika kusuluhisha migogoro ya matumizi ya wanyamapori
  • Kuthibiti matumizi haramu ya wanyamapori
  • Kufanya kazi za kuzuia ujangili
  • Kufuatilia utekelezaji wa miongozo mbalimbali ya uhifadhi wa wanyamapori
  • Kukusanya taarifa na takwimu za uhifadhi wanyamapori
  •  Huduma za jamii zinazotolewa
  • Kurasimisha  makazi holela
  • Kuandaa michoro ya mipango miji kwa maeneo ambayo hajaendelezwa
  • Kuwasiliana na wateja kuhusu Hati zilizotayarishwa na kuwakabidhi
•