DC MKURANGA AFUTURISHA, AKIHAMASISHA UCHAGUZI

Posted on: June 2nd, 2019

Wananchi  wa wilaya ya Mkuranga Mkoani Pwani  wametakiwa kuweka kando utofauti wa vyama vya siasa badala yake wagombee na kupiga kura huku wakiweka mbele amani na tulivu kwenye uchaguzi ujao wa serikali za mitaa .

Akitoa salamu za serikali mbele ya waumini wa dini ya kiislamu sambamba na wananchi mbali mbali aliowandalia futari ofisini kwake mwishoni mwa wiki  Sanga alisema tukio hilo amelifanya ili kuleta ushirikiano .,umoja na mshikamano ndani ya jamii.

Aidha dc Sanga alitumia fursa hiyo kupiga marufuku matumizi ya mifuko ya plastic na kumuagiza Mkurugenzi wa Halmshauri ya Wilaya ya Mkuranga kuwasimamia  watendaji wa vijiji kutenga maeneo maalum ambayo wananchi wanatakiwa kusalimisha kabla ya hatua zaidi za kukabidhi (NEMC).

 “Waziri mkuu wa jamhuri ya muungano wa Tanzania Kasimu Majaliwa hivi karibuni alitoa maagizo mpaka ifikapo june 1 ndio mwisho wa matumizi ya mifuko ya plastic,hivyo ni marufuku matumizi ya plastic na atakae kamatwa hatua kali zitachukuliwa dhidi yake” Alisema Sanga.

Aidha Sanga aliwageukia wafanyabiashara wadogo na watoa huduma  wadogo ambao mauzo ghafi yao hayazidi sh 4milioni  kwa mwaka wahakikishe wananua vitambulisho na kuvivaa ili kuepukana na mkono wa sheria hapo baadaye.

Kwa upande wake Mwenyekiti wa kamati  ya siasa Wilaya Ally Msikamo pamoja na kumpongeza Mkuu huyo kwa kuwa kutanisha wananchi kupitia futari  aliwataka wapiga kura kuwapima wagombea wenye maslahi binafsi kwa sababu wanatisha kama ukoma.

Akimsomea dua  Mkuu wa Wilaya akisaidiwa na waumini wengine Sheikh Mkuu wa Wilaya Almasi Mzee alimpongeza Sanga huku akimnukuu Mtume Muhamad( swa) aliyasema mtoaji  zaidi kuliko  wengine apewe heshima  kuliko wengine na kuweka bayana watafurahi akipanga zaidi nafasi yake aliyonayo kwani bado wanamuhitaji.