Posted on: December 14th, 2022
Mkurugenzi wa Halmashauri ya Wilaya ya Mkuranga Bi. Mwantum Mgonja jana tarehe 13/12/2022 ametekeleza mpango wa kugawa vishikwambi vilivyotumika katika zoezi la sense ya watu na makazi mwezi agosti mwaka huu kwa walimu, kwa lengo la kuimarisha matumizi ya tehama katika ufundishaji na ujifunzaji.
Bi. Mwantum amekabidhi jumla ya vishikwambi 1128 kwa Afisa elimu msingi na sekondari ili viweze kugaiwa kwa walengwa waliokusudiwa.
Vishikwambi hivyo ni kati ya vishikwambi 300,000 vilitumika kwenye sense ya watu na makazi 2022 ambapo Mh. Rais Dkt Samia Suluhu Hassan aliagiza baada ya kukamilisha kazi ya sensa vigaiwe kwa walimu ili kuimarisha Teknolojia ya Habari na Mawasiliano.
Aidha alisisitiza kuwa walimu wote watakaogaiwa vishikwambi hivyo kuvitunza na kuvitumia kwa malengo kusudiwa ya elimu ikiwemo katika kufundisha somo la Tehama na kwa kurahisisha namna ya ufundishaji.
Ofisi ya Mkurugenzi Halmashauri ya Wilaya ya Mkuranga
Postal Address: P. O. Box 10, Mkuranga, Pwani, Tanzania
Telephone: +255232110038
Simu ya Mkononi:
Barua Pepe: ded@mkurangadc.go.tz; ded.mkuranga@pwani.go.tz
