MAFUNZO YA UFUGAJI YALETA CHACHU MKURANGA.....

Posted on: July 8th, 2020

Mkurugenzi Mtendaji wa Halmashauri ya Wilaya ya Mkuranga Mkoa wa Pwani  amewataka wajasiliamali wanaojisughulisha na ufugaji wa kuku wa kisasa kueneza elimu wanayoipata kwenye mafunzo ambayo yanatolewa na wakufunzi kutoka Wizara ya Mifugo na Uvuvi (Wakala wa vyuo vya mafunzo na mifugo-LITA) yaliyofanyika leo katika ukumbi uliopo katika ofisi za Mkuu wa Wilaya Mkuranga

“Natoa shukrani kubwa  kwa Wizara ya Mifugo na Uvuvi, jambo la utoaji wa mafunzo ya ufugaji wa  kuku ni jambo kubwa na nadhani mnatambua ni jambo la gharama sana, ukiona Serikali inagharamia jambo ni kwa kuwa lina  umuhimu wake katika ustawi wa wananchi waliokusudiwa hivyo muwe mabalozi katika kusambaza Elimu mnayoipata hapa ili iwe na tija kwa wananchi wote ili kuweza kuyafanya maisha yetu kuwa bora lakini pia kupata kipato cha kijikimu na kufanya maendeleo yaayoonekana  kwenye jamii” alisema..

Aidha Mhandisi  Munde  alitoa pongezi kwa Naibu waziri na Mbunge wa Jimbo la Mkuranga Mh. Abdallah Ulega kwa kueleza wazi kuwa Mbunge amekuwa mstari wa mbele sana kuhakikisha wananchi waliompa dhamana ya kuwaongoza wanafanya shughuli zinazowaingizia kipato na hivyo kupitia wizara anayoifanyia kazi amekua akishirikiana na wakufunzi kuwataka kuja mara kwa mara kutoa elimu kwa wananchi wa Mkuranga juu ya ufugaji wa kuku kwa njia bora na za kisasa ili kuwawezesha kuinua kipato chao.

Naye Mkurugenzi wa Utafiti  Mafunzo na Ugani kutoka wizara ya mifugo na uvuvi, Dr. Angello Mwilawa alisema anawashukuru sana kwa kutekeleza mambo makubwa yanayohusiana na sekta ya mifugo na uvuvi katika tasnia mbali mbali  lakini kuhusiana na nyama, mayai na upande wa samaki na ushahidi umekuwepo

Mwilawa aliongezea kwa kusema wizara ya mifugo na uvuvi imekua ikihamasisha ufugaji bora kwa wafugaji mbali mbali nchi nzima na hivyo kila sehemu kumekua na mikakati mbali mbali ya kuwezesha kufikia malengo waliojiwekea , hivyo kwa upande wa Mkuranga sehemu ya malengo ni pamoja na kutoa elimu mara kwa mara ili kuwajengea uwezo na hatimaye kufanikisha lengo la kuwa na wafugaji wa kisasa ambao watakua wanazalisha mifugo ambayo itakua na  tija kwenye soko na hatimaye kupata kipato ambacho kitasaidia kuleta maendeleo mbali mbali kuanzia ngazi ya familia mpaka Nchi kwa ujumla wake..

Nyanza Mshoke,  mmoja kati ya wanakikundi waliohuduria kwenye mafunzo hayo alisema anawashukuru sana Mh. Mbunge Jimbo la Mkuranga,  Mkurugenzi Mtendaji ambaye ndiye msimamizi wa miradi ya maendeleo na wakufunzi wote kutoka wizarani  kwa kutoa  elimu  bila  kuchoka  tena kwa nyakati tofauti.

“Wananchi  wa Wilaya ya Mkuranga si wafugaji wa ngombe,  mbuzi  wala kondoo, isipokua kuku hivyo nafikiri hii ni sehemu pekee Mh Mbunge ametufanyia  kuanzia sasa watendaji wa  Wizara na Mh. Mbunge mjikite kutusaidia kwenye ufugaji wa kuku, mtupe elimu ya kutosha ili tutoke kwenye mawazo ya kuku ishirini tuliozoea kufuga kufikia kiasi cha kufuga kuku wengi ambao watatumika kama kitoweo kwenye familia, lakini  watatumika kama sehemu ya kujiingizia  kipato kitakachotumika kuleta aendeleo katika familia zetu” alisema.

Mafunzo haya yanatarajiwa kufanyika kwa mda wa siku mbili na takribani jumla ya vifaranga  vya kuku 1200 vinatarajiwa  kugaiwa  katika  vikundi mbali mbali vilivyo hudhuria mafunzo hayo …