MKURANGA YAPEWA ANGALIZO UGONJWA HATARI WA DENGUE

Posted on: June 11th, 2019

Watendaji wa kata zote (25) Wilaya ya Mkuranga Mkoa wa Pwani wametakiwa kuacha ofisi na kuwahi,miza watendaji wa vijiji washirikiane na wenyeviti wao kuitisha mkutano  mkuu maalum  utakaoeleza  madhara ya DENGUE

Akizungumza kwenye kikao kilichoagizwa na Mkuu wa Mkoa wa Pwani  Mhandisi  Evarist Ndikilo  kwenye ofisi ya Mkuu wa Wilaya leo, Mwenyekiti wa Halmashauri ya Wilaya Juma Abeid aliagiza vikao hivyo vifanyike haraka ili kuepukana na madhara zaidi

Aidha  Diwani huyo wa kata ya Magawa amemuagiza Mkurugenzi wa Halmashauri hiyo Mhandisi Mshamu Munde kuhakikisha wataalamu idara ya afya  waende kwenye vitongoji  kutoa elimu sambamba na kushiriki mikutano  mikuu maalum.

Kwa upande wake kaimu Mganga  Mkuu wa Wilaya Dk. Yeredi Chacha alitaja dalili za ugonjwa huo  kuwa ni homa kali, kuumwa kichwa ,viungo vya mwili sambamba na kutapika pia kutoka damu sehemu mbali mbali.

NayeAfisa Afya Wilaya Angelus Mtewa alizitaja  kinga za ugonjwa huo ambao hauna dawa kuwa ni kufukia madimbwi  ya maji, kunyunyuzia dawa kuua viluwiluwi  kufyeka nyasi na vichaka karibu na makazi sambamba na kufunika mashimo ya maji taka kwa mfuniko  pia kusafisha mitaro na gata za paa la nyumba ili kutoruhusu maji kutuama

Kikao hicho kilichohudhuriwa na madiwani wakuu wa dara . maafisa tarafa na wataalamu  kilipokea taarifa ya uwepo wagonjwa (38) huku wakiazimia kuitishwa Baraza la kazi mapema ili kuzungumzia changamoto mbali mbali  ikiwemo ugonjwa huo wa mlipuko.