ULEGA AWALETEA FURSA ZA UFUGAJI MKURANGA.

Posted on: June 3rd, 2019

Wananchi wa Wilaya ya Mkuranga Mkoani  Pwani wametakiwa kuyatumia mafunzo ya ufugaji wa kisasa hatimaye wajikwamue kiuchumi sambamba na kupaisha mapato ya Halmashauri ya Wilaya 

Akifungua mafunzo ya wafugaji wa Wilaya hiyo kwenye ukumbi wa Flex Hotel  leo, gNaibu Waziri wa mifugo na uvuvi Abdalla Ulega  aliwataka washiriki wawe wasikivu na kuwa mabalozi kwenye vitongoji hadi  vijiji

Aidha Ulega  alitumia fursa hiyo kumpongeza  Waziri  Luhaga  Mpina  kwa kuichagua wilaya hiyo ambayo yeye ni  Mbunge kutoa elimu ya ufugaji bora

Aidha ulega amewataka wananchi wajikite kwenye ufugaji  kama mbadala  wa kilimo cha korosho , huku akishukuru  wizara kwa kuichagua  wilaya hiyo kuwa kituo cha uksanyaji  maziwa kwa kanda sambamba na kiwanda cha chakula cha mifugo ambacho malighafi yake ni mihogo

Mbunge huyo wa jimbo la Mkuranga alitaja fursa nyingine ni ujio wa Benki ya kilimo ambayo itakopesha  vikundi  vya wafugaji na wavuvi kwa masharti nafuu

Awali  Mkurugenzi  wa Halmashauri ya Wilaya Mhandisi Mshamu Munde alishukuru  ujio wa wataalamu toa wizarani huku akiweka bayana viwango ardhi ya kutosha kwa ajili ya viwanda mbalimbali vinavyotoa fursa kwa wakulima na ufugaji

Akizungumza wakati wakufunga mafunzo hayo mkuu wa Wilaya ya Mkuranga Filbeto Sanga alisema anaishukuru wizara kwa kuleta mafunzo hayo  kwani inawezekana ikawa muorobaini wa wafugaji kahamahama na kupunguza migogoro ya wakulima na wafugaji  katika wilaya hiyo .

Aidha aliwataka washiriki wawe na utayari kwani soko la uhakika la kuuza maziwa, nyama na mihogo lipo tayari

Akimalizia aliiomba serikali iwafikirie kuwapa msitu wa masanganya ambao utakuwa tiba katika migogoro ya wafugaji na wakulima