WANUFAIKA WA TASAF WAJIINUA KIUCHUMI

Posted on: September 22nd, 2022

Mratibu wa TASAF Wilaya ya Mkuranga Bi.Safina Msemo akiambatana na Afisa Ufuatiliaji Ndugu Kelvin Simon pamoja na Afisa Biashara ndugu Maiko Mpupua wamefika katika Kijiji cha Kiparang'anda A na kukagua shughuri ya utengenezaji wa mafagio ya chelewa kwa kikundi cha UMOJA NI NGUVU ambao ni wanufaika wa Mpango wa Kunusuru Kaya Maskini TASAF.

Kikundi hicho chenye  jumla ya kaya 11 kilianzishwa mwaka 2021 chini ya Mpango wa kuweka akiba na kuwekeza. Aidha kikundi hiki  kiliwezeshwa na TASAF na kupewa elimu ya utengenezaji wa mafagio ili kuweza kujikomboa kiuchumi na kutokuwa tegemezi katika jamii zao.

Kupitia kikundi hicho walengwa wameweza kupata mafanikio mbalimbali ikiwemo baadhi ya wanachama wemeweza kuanzisha ujenzi wa nyumba ya kisasa za makazi na kudumu tofauti na zile walizokuwa wakiishi hapo awali za asili.